Les mots surlignés font l'objet d'une note
1Monsieur de Gordes, je croy que pour ceste heure vous aurez receu la lettre
2que je vous ay escripte par ung gentilhomme que je depeschois à monsieur
3de Joyeuse et delà à messieurs de la court de parlement de Thouloze
4pour leur advertir de mon achemynement en mon gouvernement et
5aultres lieux qui me sont departiz pour faire ma chevaulchée
6par sa magesté, du nombre desquelz est votre gouvernement de
7Dauphiné ; et pour ce que je faictz estat, seullement si faire ce
8peult, estre ung jour ou deux au plus à Lyon pour adviser avec
9monsieur de Mandelot à ce qui sera necessaire, et de là m’en aller par
10votredit pays de Dauphiné, pour aussi ensemble y donner ordre
11suivant le voulloir et intantion de sa magesté, que plus amplement
12je vous feray entendre, comme aussi elle me l’a commandé. Je
13vous prye, incontinant la presente receue, vous rendre en ladite ville
14de Lyon, où j’espere estre dans cinq ou six jours au plus tart.
15J’escriptz presentement à monsieur le premier president Truchon
16pour se joindre avec vous et se y en venir d’aultant qu’en
17particullier jè commandement de sadite magesté de luy fere entendre
18sesdits voulloir et intantion, au moyen de quoy je vous prye
19luy faire tenir aussi tost madite lettre, et s’il est possible le amener
20avec vous ; et sur esperance que j’ay de bien tost vous
21veoir, je ne vous feray la presente plus longue, sinon pour
22me recommander bien affectionnement à voz bonnes graces et
23prier Dieu vous donner,
24Monsieur de Gordes, en santé bonne et longue vye. De Molins,
25ce IIIIe jour de octobre 1572.
26Vostre plus afectioné et entierement meileur amy
27H de Montmorancy